Newyddlen Rhagfyr 2022
Croeso i’n diweddariad mis Rhagfyr, rydym ni’n gobeithio eich bod chi’n cadw’n iawn ac yn gynnes. Hoffem ni fanteisio ar y cyfle hwn i ddiolch i bawb sydd wedi gweithio gyda ni eleni, wedi cymryd rhan mewn prosiectau, wedi dod i sesiynau hyfforddi a dangos a dweud, wedi dod i sesiynau diweddaru, ac wedi ceisio am y Gronfa Trawsnewid Digidol. Rydym ni’n gobeithio eich gweld chi wedi eich adfywio ac wedi bwrw’ch blinder yn 2023 ar gyfer rhagor!
Newyddion y Tîm
Rydym ni’n falch o gyhoeddi mai ein Pennaeth Darparu Hyblyg newydd fydd Lindsey Phillips o Gyngor Sir Powys, a fydd yn dechrau ddiwedd mis Rhagfyr. Bydd Lindsey yn cymryd lle Jo Goodwin a adawodd ym mis Awst, ac rydym ni’n gyffrous iawn i’w chroesawu hi i’r tîm! Byddwn ni’n cael blog gan Lindsey yn y flwyddyn newydd ynglyn â’i swydd newydd a sut hwyl gafodd hi yn ei wythnosau cyntaf.
Hyfforddiant
Rydym ni wedi cael ambell i neges e-bost gan bobl ar draws yr awdurdodau’n gofyn i ni am gyrsiau hyfforddi ar gyfer eleni. Rydym ni ar hyn o bryd yng nghanol ymarfer caffael i gael cyrsiau hyfforddi i’w cynnal ym mis Chwefror a mis Mawrth 2023. Bydd gennym ni ragor o wybodaeth i chi ganol mis Ionawr am hyn a byddwn ni’n anfon e-bost pan fydd y dyddiadau a’r amseroedd gennym ni ynghyd â dolenni er mwyn cadw lle – diolch am fod yn amyneddgar â ni!
Dylunio Gwasanaeth Digwyddiadau Bywyd Dangos a Dweud
Bydd ein sesiwn dangos a dweud nesaf ddydd Iau 15 Rhagfyr am 11am – 11:30am. Os hoffech chi gael gwahoddiad, anfonwch e-bost at timdigitol@wlga.gov.uk
Cymuned Ymarfer Dylunio Cynnwys
Cynhaliwyd ein cyfarfod Cymuned Ymarfer Dylunio Cynnwys cyntaf ddydd Mawrth 29 Tachwedd. Roedd yn sesiwn gadarnhaol iawn yn cynnwys llawer o syniadau am sut i ddatblygu dylunio cynnwys fel disgyblaeth yr ydym ni yn awr yn bwriadu adeiladu arni.
Bydd y sesiwn nesaf ddydd Mawrth 31 Ionawr, 11am – 12pm pan fyddwn ni’n trafod safonau, egwyddorion a chanllawiau a sut y gellir casglu a chyfleu’r rhain mewn ffordd sy’n fwyaf gwerthfawr i awdurdodau lleol. Os hoffech chi gael gwahoddiad, anfonwch e-bost at timdigidol@wlga.gov.uk a byddwn ni’n anfon gwahoddiad i chi.
Blogiau diweddaraf Ers ein newyddlen ddiwethaf rydym ni wedi cyhoeddi: Dylunio Gwasanaeth Digwyddiadau Bywyd: Dangos a Dweud Sbrint 1 Hawdd ei Ddarganfod, Fy mis cyntaf fel Dylunydd Profiad Defnyddiwr yn Nhîm Digidol Llywodraeth Leol Cymru, Prosiect Gwella Gwasanaeth Blaenau Gwent: Dangos a Dweud a Chymuned Ymarfer Dylunio Cynnwys
Ganolfan Gwasanaethau Cyhoeddus Digidol (CDPS)
Gweminar rhannu gwybodaeth: Recriwtio talent Data Digidol a Thechnoleg ym marchnad swyddi Cymru, 15 Rhagfyr 12yh
Mae galw mawr am sgiliau digidol ac mae’n hybys fod y sector cyhoeddus yn wynebu argyfwng recriwtio. Mae hefyd yn argyfwng denu a chadw gyda llawer o haenau.
Ar ôl trafod y mater gyda Phrif Swyddogion Digidol Cymru, bu’r Ganolfan Gwasanaethau Cyhoeddus Digidol (CDPS), yn cyfweld ag ystod eang o randdeiliaid ar draws y sector cyhoeddu ym mis Awst 2022. Rydym wedi grwpio’r materion a gododd yn themâu y gallem eu datrys yn ymarferol.
Bydd ein gweminar nesa yn canolbwyntio ar recriwtio talent DDaT yng Nghymru.
- Sut ydych chi’n recriwtio pobl o’r byd digidol i wasanaethau cyhoeddus?
- Beth yw’r camau yn eich proses recriwtio?
- Oes yna unrhyw gamau sy’n atal pobl rhag gwneud cais?
- Ydi’ch proses recriwtio chi yn hygyrch a chynhwysol?
- Ydych chi’n colli ymgeiswyr oherwydd amser neu brosesau mewnol?
Byddwn yn argymell:
- Y ffyrdd mwyaf effeithiol o wneud pethau
- Sut i gael y gorau allan o ddarpar ymgeiswyr yn y cyfnod cyfweld
- Arfer gorau a chanllawiau eraill
Byddwn hefyd yn clywed gan gyngor Castell-nedd Port Talbot am eu profiadau nhw wrth arbrofi gyda dulliau newydd yn eu hymgyrch recriwtio digidol diweddaraf.
Gadael Ymateb